सरकारले शनिबार र आइतबार दुई दिन सार्वजनिक बिदा दिने व्यवस्था लागू गरेको सन्दर्भमा स्वास्थ्य सेवा अवरुद्ध नहोस् भन्ने उद्देश्यले सम्बन्धित निकायलाई सेवा निरन्तर सञ्चालन गर्न निर्देशन दिएको छ।
स्वास्थ्य तथा जनसंख्या मन्त्रालयले अस्पतालहरूलाई विशेष गरी आइतबारको दिन बहिरङ्ग सेवा (ओपीडी) सञ्चालन गर्न निर्देशन दिएको हो। मन्त्रालयका अनुसार अस्पतालहरूले आफ्नो कार्यबोझ र उपलब्ध जनशक्तिको आधारमा सेवा सञ्चालनको व्यवस्थापन गर्नुपर्नेछ।
मन्त्रालयले यस्तो व्यवस्था गर्दा कर्मचारीलाई शनिबार बाहेक अर्को एक दिन गरी दुई दिन बिदा दिने प्रबन्ध मिलाउन र यदि बिदा दिन सम्भव नभए सट्टा बिदा उपलब्ध गराएर सेवा निरन्तरता कायम गर्नुपर्ने स्पष्ट पारेको छ।
यसका साथै संघीय स्वास्थ्य मन्त्रालयले प्रादेशिक अस्पतालहरू तथा सातै प्रदेशका स्वास्थ्य मन्त्रालयहरूलाई पनि सोही अनुसार व्यवस्था मिलाउन अनुरोध गरेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
